కామారెడ్డిలో టీఆర్పీ గద్దె కూల్చివేత.. పోలీస్ స్టేషన్లో ఫిర్యాదు చేసిన నాయకులు
🚨 కామారెడ్డిలో టీఆర్పీ గద్దె కూల్చివేత.. పోలీస్ స్టేషన్లో ఫిర్యాదు చేసిన నాయకులు
కామారెడ్డి జిల్లా: జిల్లా కేంద్రంలోని టీఆర్పీ పార్టీ గద్దె కూల్చివేత ఘటనపై టీఆర్పీ రాష్ట్ర ఉపాధ్యక్షుడు ఆకుల హనుమాండ్లు తీవ్ర ఆగ్రహం వ్యక్తం చేశారు. శుక్రవారం కామారెడ్డిలో నిర్వహించిన మీడియా సమావేశంలో ఆయన మాట్లాడుతూ, ఈ ఘటనపై పోలీస్ స్టేషన్లో ఫిర్యాదు చేసినట్లు తెలిపారు.
📢 మల్లన్న సభ ప్రజాదరణను ఓర్వలేకే గద్దె కూల్చివేత: ఆకుల హనుమాండ్లు
ఈ నెల 5న భువనగిరిలో నిర్వహించిన తీన్మార్ మల్లన్న సభకు లభించిన ప్రజాదరణను చూసి ఓర్వలేకే గుర్తు తెలియని వ్యక్తులు రాత్రి సమయంలో టీఆర్పీ గద్దెను కూల్చివేశారని ఆకుల హనుమాండ్లు ఆరోపించారు. సమీపంలో ఇతర పార్టీల జెండాలు, గద్దెలు ఉన్నప్పటికీ వాటిని వదిలి కేవలం టీఆర్పీ గద్దెనే లక్ష్యంగా చేసుకోవడం దురదృష్టకరమని పేర్కొన్నారు.
⚖️ అధికారుల తీరుపై విమర్శలు
గద్దె కూల్చివేత ఘటనపై మున్సిపల్ కమిషనర్ను సంప్రదించగా తాను సెలవులో ఉన్నానని, ఇన్చార్జి కమిషనర్ను అడగగా తమకు సమాచారం లేదని చెప్పారని ఆకుల హనుమాండ్లు తెలిపారు. అధికారులకు తెలియకుండా ఇలాంటి ఘటన ఎలా జరిగిందని ప్రశ్నించారు.
🚔 పోలీసులకు ఫిర్యాదు
ఈ ఘటనపై పోలీస్ స్టేషన్లో ఫిర్యాదు చేసినట్లు తెలిపారు. బాధ్యులపై వెంటనే చర్యలు తీసుకోవాలని డిమాండ్ చేశారు. ప్రభుత్వం ఉద్యోగులు నిష్పక్షపాతంగా విధులు నిర్వర్తించాలని, రాజకీయ ఒత్తిళ్లకు లోనుకాకుండా బాధ్యతాయుతంగా వ్యవహరించాలని సూచించారు.
🗣️ జిల్లా అధ్యక్షుడు తాహెర్ ఆరోపణలు
టీఆర్పీ జిల్లా అధ్యక్షుడు తాహెర్ మాట్లాడుతూ, తీన్మార్ మల్లన్నకు ప్రజల నుంచి వస్తున్న ఆదరణను చూసి ఓర్వలేకే గద్దెను ధ్వంసం చేశారని ఆరోపించారు. ఇటువంటి ఘటనలు పునరావృతమైతే పార్టీ తరఫున తీవ్ర ఆందోళనలు చేపడతామని హెచ్చరించారు.
ఈ సమావేశంలో టీఆర్పీ జిల్లా అధ్యక్షుడు తాహెర్, జిల్లా ఉపాధ్యక్షుడు కళ్లెం రాజు, వర్కింగ్ ప్రెసిడెంట్ సబ్బిడి రమేష్, ఓబీసీ జిల్లా అధ్యక్షుడు సంగమేశ్వర్ తదితరులు పాల్గొన్నారు.
✍️ తెలంగాణ స్రవంతి డిజిటల్ మీడియా
జనం నుంచి జనంలోకి...
.jpg)
కామెంట్లు
కామెంట్ను పోస్ట్ చేయండి