బిల్లు చెల్లించలేదని ప్రభుత్వ పాఠశాలకు తాళం... బయటే నిలిచిపోయిన విద్యార్థులు, ఉపాధ్యాయులు

11 లక్షల బిల్లు బకాయిపై హైడ్రామా… ప్రభుత్వ పాఠశాలకు తాళం వేసిన కాంట్రాక్టర్

దానవాయిగూడెం ప్రభుత్వ పాఠశాల వద్ద ఉద్రిక్త పరిస్థితులు

తెలంగాణ స్రవంతి ప్రతినిధి: ఖమ్మం జిల్లా పాలేరు నియోజకవర్గంలోని దానవాయిగూడెం ప్రభుత్వ ప్రాథమిక పాఠశాల వద్ద ఉద్రిక్త పరిస్థితులు నెలకొన్నాయి. మన ఊరు – మన బడి పథకం కింద చేపట్టిన మరమ్మత్తుల పనులకు సంబంధించిన బిల్లు చెల్లించలేదని ఆరోపిస్తూ కాంట్రాక్టర్ అయోధ్య పాఠశాల ప్రధాన గేటుకు తాళం వేశారు.

---

గేటు బయటే నిలిచిపోయిన విద్యార్థులు, ఉపాధ్యాయులు

గేటుకు తాళం వేయడంతో విద్యార్థులు, ఉపాధ్యాయులు పాఠశాల ఆవరణలోకి వెళ్లలేక బయటే వేచి ఉండాల్సిన పరిస్థితి ఏర్పడింది. దీంతో అక్కడ కొంతసేపు ఉద్రిక్త వాతావరణం నెలకొంది.

---

రూ.11 లక్షల బిల్లు చెల్లించాలని డిమాండ్

మన ఊరు – మన బడి పథకం కింద చేపట్టిన పనులకు సంబంధించి రూ.11 లక్షల బిల్లు బకాయి ఉందని, వెంటనే చెల్లిస్తేనే గేటు తాళం తీస్తానని కాంట్రాక్టర్ డిమాండ్ చేసినట్లు సమాచారం. బిల్లు మంజూరు చేయకపోతే ఆత్మాహుతి యత్నానికి పాల్పడతానంటూ హెచ్చరించినట్లు స్థానికంగా చర్చ జరుగుతోంది.

---

రంగంలోకి దిగిన విద్యాశాఖ అధికారులు

పరిస్థితిని వెంటనే ఉన్నతాధికారుల దృష్టికి తీసుకెళ్లిన ఉపాధ్యాయులు, సమస్య పరిష్కారం కోసం విద్యాశాఖ ఉన్నతాధికారులకు సమాచారం అందించారు. ఘటనపై అధికారులు స్పందించి పరిస్థితిని సమీక్షిస్తున్నట్లు తెలిసింది.

---

తెలంగాణ స్రవంతి డిజిటల్ మీడియా – జనంనుంచి జనంలోకి
🔗 telanganasravanti.in