మైనారిటీ విద్యార్థుల భవిష్యత్తు కోసం ప్రత్యేక నిధులు కావాలి… మంత్రి అజరుద్దీన్‌ను కలిసిన ఎమ్మెల్యే తోట లక్ష్మీకాంతరావు

మైనారిటీ పాఠశాలల అభివృద్ధికి ప్రత్యేక నిధులు కేటాయించాలి… మంత్రి అజరుద్దీన్‌ను కోరిన ఎమ్మెల్యే తోట లక్ష్మీకాంతరావు

హైదరాబాద్‌లో మంత్రి మొహమ్మద్ అజరుద్దీన్‌ను మర్యాదపూర్వకంగా కలిసిన జుక్కల్ ఎమ్మెల్యే

తెలంగాణ స్రవంతి ప్రతినిధి: కామారెడ్డి జిల్లా జుక్కల్ నియోజకవర్గ ఎమ్మెల్యే తోట లక్ష్మీకాంతరావు మంగళవారం హైదరాబాద్‌లో మంత్రివర్యులు, మాజీ భారత క్రికెట్ జట్టు కెప్టెన్ మొహమ్మద్ అజరుద్దీన్‌ను మర్యాదపూర్వకంగా కలిసి శుభాకాంక్షలు తెలిపారు.

---

శాలువాతో ఘన సత్కారం

ఈ సందర్భంగా ఎమ్మెల్యే తోట లక్ష్మీకాంతరావు మంత్రి అజరుద్దీన్‌ను శాలువాతో ఘనంగా సత్కరించి అభినందనలు తెలిపారు. ప్రజల సేవలో మరింత విజయవంతంగా ముందుకు సాగుతూ ఉన్నత పదవుల్లో మరిన్ని విజయాలు సాధించాలని ఆకాంక్షించారు.

---

జుక్కల్ నియోజకవర్గ అభివృద్ధిపై చర్చ

అనంతరం జుక్కల్ నియోజకవర్గ అభివృద్ధికి సంబంధించిన పలు అంశాలపై మంత్రి తో ఎమ్మెల్యే చర్చించారు. ముఖ్యంగా మైనారిటీ విద్యార్థుల భవిష్యత్తును దృష్టిలో పెట్టుకుని నియోజకవర్గంలోని మైనారిటీ పాఠశాలల అభివృద్ధికి ప్రత్యేక నిధులు కేటాయించాలని కోరారు.

---

మైనారిటీ విద్యార్థులకు నాణ్యమైన విద్య అందాలి

మైనారిటీ విద్యార్థులకు స్కూల్ స్థాయి నుంచి పీజీ వరకు నాణ్యమైన విద్య అందేలా అవసరమైన చర్యలు తీసుకోవాలని ఎమ్మెల్యే విజ్ఞప్తి చేశారు. ప్రతి పేద విద్యార్థికి ఉన్నత విద్య అందాలనే లక్ష్యంతో ప్రభుత్వం మరింత సహకారం అందించాలని మంత్రి దృష్టికి తీసుకెళ్లారు.

---

తెలంగాణ స్రవంతి డిజిటల్ మీడియా – జనంనుంచి జనంలోకి
🔗 telanganasravanti.in