నారాయణఖేడ్ మున్సిపల్ అభివృద్ధే లక్ష్యం… సమస్యలపై వెంటనే స్పందన: చైర్మన్ నగేష్ శెట్కార్

 

📰 ఖేడ్ మున్సిపల్ అభివృద్ధే నా లక్ష్యం…

👉 ప్రజా సమస్యలపై నిరంతర పర్యవేక్షణ

👉 ఎక్కడ సమస్యలు ఉన్నా తక్షణ పరిష్కారం

👉 ప్రతి వార్డులో అభివృద్ధి పనుల వేగవంతం

నారాయణఖేడ్, ఏప్రిల్ 07 (తెలంగాణ స్రవంతి)

సంగారెడ్డి జిల్లా నారాయణఖేడ్ మున్సిపాలిటీ అభివృద్ధే తన ప్రధాన లక్ష్యమని మున్సిపల్ చైర్మన్ నగేష్ శెట్కార్ పేర్కొన్నారు. ప్రజా సమస్యలపై నిరంతరం దృష్టి సారిస్తూ, ఎక్కడ సమస్యలు ఉన్నా వెంటనే పరిష్కరించే విధంగా చర్యలు తీసుకుంటామని ఆయన తెలిపారు.

మంగళవారం నారాయణఖేడ్ మున్సిపల్ పరిధిలోని పలు వార్డుల్లో చైర్మన్ నగేష్ శెట్కార్ పర్యటించారు. ఈ సందర్భంగా మున్సిపల్ కమిషనర్, 2వ వార్డ్ కౌన్సిలర్ సురేఖ, 6వ వార్డ్ కౌన్సిలర్ లక్ష్మణ్, 13వ వార్డ్ కౌన్సిలర్ వివేకానంద మహేందర్‌తో కలిసి ప్రతి వార్డులోని సమస్యలను పరిశీలించారు.

ప్రత్యేకంగా రోడ్ల దుస్థితి, మురికి కాలువలు, డ్రైనేజీ వ్యవస్థలో లోపాలు, తాగునీటి సమస్యలు, ఎలక్ట్రిసిటీ సంబంధిత ఇబ్బందులను గుర్తించి, సంబంధిత అధికారులతో సమన్వయం చేసుకుని తక్షణ చర్యలు తీసుకోవాలని ఆదేశించారు. ఎలక్ట్రిక్ ఏఈతో మాట్లాడి లో వోల్టేజ్ సమస్యలను త్వరగా పరిష్కరించాలని సూచించారు.

ప్రజల నుంచి సమస్యలను స్వయంగా తెలుసుకుని వెంటనే పరిష్కార చర్యలు చేపట్టాలని అధికారులను ఆదేశించిన చైర్మన్, ప్రతి వార్డులో ఎలాంటి సమస్యలు లేకుండా చూడాలని స్పష్టం చేశారు. డ్రైనేజీ నిర్మాణ పనులను వేగవంతం చేయడంతో పాటు, రోడ్ల మరమ్మత్తులు త్వరితగతిన పూర్తి చేయాలని ఆదేశించారు.

మున్సిపాలిటీ పరిధిలో మౌలిక వసతుల అభివృద్ధి ప్రధాన లక్ష్యమని, ప్రజలు ఇచ్చిన విశ్వాసానికి తగ్గట్టు పని చేస్తామని ఆయన తెలిపారు. కాంగ్రెస్ పార్టీపై నమ్మకం ఉంచి విజయాన్ని అందించిన ప్రజలకు సేవ చేయడం తమ బాధ్యతగా భావిస్తున్నామని చెప్పారు.

ప్రజల సమస్యలను ఎప్పటికప్పుడు పరిష్కరించేందుకు అధికారులు అప్రమత్తంగా ఉండాలని, సమన్వయంతో పనిచేయాలని సూచించారు. ఈ కార్యక్రమంలో అధికారులు, ప్రజాప్రతినిధులు, స్థానిక నాయకులు తదితరులు పాల్గొన్నారు.

తెలంగాణ స్రవంతి డిజిటల్ మీడియా – జనంనుంచి జనంలోకి

https://telanganasravanti.in