సలాబాత్పూర్ ఆంజనేయ స్వామి ఆలయంలో హనుమాన్ జయంతి వేడుకలు ఘనంగా

ప్రత్యేక పూజల్లో పాల్గొన్న జిల్లా కాంగ్రెస్ అధ్యక్షుడు ఏలే మల్లికార్జున్

జుక్కల్, ఏప్రిల్ 02 (తెలంగాణ స్రవంతి ప్రతినిధి: సచిన్ కుమార్): 

కామారెడ్డి జిల్లా మద్నూర్ మండలంలోని ప్రసిద్ధ సలాబాత్పూర్ ఆంజనేయ స్వామి ఆలయంలో హనుమాన్ జయంతి సందర్భంగా ప్రత్యేక పూజలు ఘనంగా నిర్వహించారు. తెల్లవారుజామున స్వామివారికి అభిషేకం, ప్రత్యేక పూజలు నిర్వహించగా ఆలయం భక్తులతో కిటకిటలాడింది.

ఈ సందర్భంగా ప్రభుత్వ తరపున జిల్లా కాంగ్రెస్ అధ్యక్షుడు ఏలే మల్లికార్జున్, ఆలయ చైర్మన్ రాం పటేల్ స్వామివారికి పట్టు వస్త్రాలు సమర్పించారు. అనంతరం హారతి కార్యక్రమం నిర్వహించి భక్తులకు తీర్థ ప్రసాదాలు అందజేశారు.

వేలాదిగా తరలివచ్చిన భక్తులు

హనుమాన్ జయంతి సందర్భంగా ఆలయంలో ప్రత్యేకంగా అన్నప్రసాద కార్యక్రమం ఏర్పాటు చేశారు. ఈ కార్యక్రమంలో వేలాది మంది భక్తులు పాల్గొని స్వామివారి దర్శనం చేసుకుని ఆశీర్వాదాలు పొందారు.

భక్తులు గోవింద నామస్మరణలతో ఆలయం ఆధ్యాత్మిక వాతావరణంతో కళకళలాడింది.

పాల్గొన్న నాయకులు, ప్రజాప్రతినిధులు

ఈ కార్యక్రమంలో ఆలయ చైర్మన్ రాం పటేల్, మండల కాంగ్రెస్ పార్టీ అధ్యక్షుడు దరాస్ సాయిలు, మార్కెట్ కమిటీ వైస్ చైర్మన్ పరమేష్ పటేల్, మాజీ సొసైటీ చైర్మన్‌లు శ్రీనివాస్ పటేల్, గంగాధర్, మద్నూర్, కెలూర్, శక్కరగా గ్రామాల సర్పంచ్‌లు, మండల నాయకులు పాల్గొన్నారు.

ఆలయ వేడుకలు శాంతియుతంగా, భక్తి భావంతో సాగాయి.

👉 మరిన్ని వివరాలకు:

🌐 https://telanganasravanti.in⁠�

✍️ తెలంగాణ స్రవంతి డిజిటల్ మీడియా – జనంనుంచి జనంలోకి